Әлеуметтік әмиян жобасы аясында оқушыларды тегін ыстық тамақпен қамтамасыз ету туралы (24.04.2025 г.)
Облыс бойынша 355 мемлекеттік мектептердің ішінен 88 мектепте аппаратық-бағдарламалық кешендерін «Әлеуметтік әмиян» ақпараттық жүйемен интеграция жұмыстары жүргізілуде.
Бүгінгі таңда 72 мектепте АБК орнатылған, оның ішінде 11 мектепте «Alaqan» АЖ 42 мектепте «Е-асхана», 13 мектепте «OTAN mektep», 6 мектепте «QAZBILIM».
Қалған 16 мектепте конкурстық жұмыстар жүргізілуде.
2025 жылдың 24 сәуіріне облысымызда 3 990 оқушы «Әлеуметтік әмиян» арқылы ваучерлерін іске қосты, транзакция саны – 112 492. Оның ішінде 1 347 оқушы (транзакция – 21 452) аппараттық-бағдарламалық кешен бойынша («Е-асхана», «Alaqan», «OTAN mektep», «QAZBILIM»), 2 643 оқушы (транзакция – 91 040) «Бизнес әмиян» арқылы ваучерлерін іске қосты.
Қазіргі таңда «Бизнес әмиянға» 217 мектеп қосылып отыр, алайда тек 200 мектепте транзакция жұмыстары жүргізілуде.
Ағымдағы жылдың қыркүйек айында «Әлеуметтік әмиян» пилоттық жобасында қатысатын мектеп басшыларына ыстық тамақты ұсыну бойынша қызметті пайдалану туралы оқыту семинары өткізілді. Сонымен қатар, мектеп басшылары аталған қызметті іске асыру және ваучерлерді белсендіру жөнінде күн сайын ата-аналармен түсінік жұмыстарын жүргізуде.
2024 жылдың 19 желтоқсанында Министрлікке ваучерлері шықпаған балалардың және нақты ыстық тамақпен қамтылған оқушылардың тізімдері жолданды. 26 желтоқсан күні ваучерлер тағайындалған, бірақ ыстық тамақпен қамтылмаған балалардың тізімі Министрлікке жолданды. 17-20 желтоқсан күндері әр ауданмен «Бизнес әмиян» орнату бойынша түсінік жұмыстары жүргізілді. 2025 жылдың 28 қаңтар күні білім беру бөлімдерінің мамандарына Министрлік өкілінің қатысуымен түсінік жұмыстары жүргізілді.
Білім беру бөлімдерінің мамандары мен мектеп басшылары ата-аналармен «Әлеуметтік әмиян» және «Бизнес әмиян» арқылы ваучерлерін іске қосу бойынша үйрету жұмыстарын жүргізуде.